أول قصيدة للقحطاني بعد تبرئته من قتل خاشقجي : ” يبون كسر سعود وإلا انهزامه .. وأنا شبل قحطان شامخ كما الطود”

صحيفة المرصد : نظم المستشار السابق في الديوان الملكي سعود القحطاني ، قصيدة شعرية جديدة من 59 بيت ، وذلك بعد أن تمت تبرئته في وقت سابق اليوم في قضية مقتل الصحفي جمال خاشقجي.

وقد حظيت القصيدة بتداول واسع  عبر مواقع التواصل الاجتماعي .

وهذه أبيات القصيدة :

يالله ياللي بيدك أمر القيامه ** ويموت بأمرك حي ويعيش مولود
ترزقني الشكر الجميل بتمامه ** على ظهور الحق والعالم شهود
ليل الشكوك الحق بدد ظلامه ** والحق مهما غاب بالنصر موعود
من عالية نجد السواحل تهامه ** تباشروا بإعلان براءة سعود
برّأني اللي كلنا باحتكامه ** شرع الله العادل وهو خير معبود
ما فيه هامه ترتفع فوق هامه ** ولا أحد على الثاني بشرع الله يزود
يا مبشر أم سعود أرق العدامه ** زف البشارة يا عسى أيامك سعود
وارفع بها صوتك بحزم وصرامه ** وقل للجميع سعود موجود موجود
هدمت باطلهم وهذي ركامه ** بادت مثل ما بادوا أصحاب الأخدود
يمه برى جرحي وطاب التئامه ** ترى البري من والي العرش مسنود
استبدلي ثوب الحزن بابتسامه ** راحت ليال الظلم والشك والكود
والوالد بقلبي كبير احترامه ** شيخ وبين الناس طاريه محمود
يا بوي لا تكثر علي الملامه ** وأنا بري وبعيد عن كل منقود
أنا ولدك اللي رفيع مقامه ** دون الثريا ما لهقوائي حدود
من دار أخو نوره وقصر اليمامه ** خبر مثل هذا متابع ومرصود
صدى الخبر في أبوظبي والمنامه ** ومر الكويت وفاح بالمسك والعود
وحل بسما بغداد مثل الغمامه ** وبالقاهرة برق وتباشير ورعود
والمغرب وبالشام ثاير عسامه ** رجع الصدى يصل لعمان ويعود
اللي فرح شكراً له ولاهتمامه ** واللي زعل يزعل ولا عنه منشود
تكرهني الدوحة سلام وسلامه ** دامه لأجل هذا الوطن جعله بزود
حملات قادوها بحقد وغشامه ** وإعلامهم كله على سعود محشود
يبون كسر سعود وإلا انهزامه ** وأنا شبل قحطان شامخ كما الطود
وأنا على حق وطريق استقامه ** وش ذنبي إلا أني عن بلادي أذود
من لا كرب من شان داره حزامه ** ما هو من عداد الرياجيل معدود
ومن مبتدأ علم اليقين لختامه ** ردوا خبر عني ترى العلم مردود
لباسة الطربوش وأهل العمامه ** باب التسامح دونهم صار مسدود
اللي جهل تاريخهم وش علامه ** تاريخهم ما هو مغيّب ومفقود
لو تنبش الماضي بعود الثمامه ** يكشف لك التاريخ صفحاته السود
تاريخ الأتراك القديم ونظامه ** مليان غدر وكره وأحقاد وجحود
محدن نسى الأحداث غير الهلامه ** كم خانوا الأتراك من حلف وعهود
عقب الطمع صاروا يبون السلامه ** شعب الجزيرة من تهقواه مقرود
كلن بوجه الترك بان التزامه ** ثارت قبايلنا بسيف وبارود
وانهار جيش الترك واخطت سهامه ** عوّد وهو مكسور رايه ومقهور
الحرب حنا لو يزيد احتدامه ** عن الدين وعن الدولة نذود
حنا مواريث السلف والجهامه ** كلن على أصله لا احتمى الموقف يعود
ما أدس راسي مثل راس النعامه ** نفسي على العليا من صعود لصعود
أقودها قود الجمل في خطامه ** وافتح لها باب عن الناس موصود
وإلا العدو باكر يشوف الندامه ** في خاطر واقف وبحجاج معقود
ما طال نصر ولا فرح بانتقامه ** حملاتهم ضدي تهاوت بلا فود
المتهم هاتوا دليل اتهامه ** والا اسكتوا دام الخبر غير موكود
مذمة أعداء الوطن لي علامه ** وأكبر فخر السعود ولسيرة سعود
سعود واثق بالله وفي إمامه ** وحبله على الطاعة والإخلاص ممدود
يفخر بحكامه ويثبت كلامه ** والحد ما هو يتكي إلا على حيود
وسلمان أدام الله حكمه وأدامه ** الله عزة الإسلام غاية ومقصود
عدونا ما يهتني في منامه ** المملكة عدوها دوم مضهود
وإلا على أهل السلم حب وكرامه ** كفوفنا تندي من البذل والجود
يا معرّب الجدين قيمة وقامه ** على جبينك بيرق النصر معقود
عبدالعزيز الله يحلل عظامه ** في جنة الفردوس والطلح منضود
يومه على الأتراك جرّد حسامه ** عن الحسا جيش العدو صار مطرود
وراكان بن حثلين رمز الشهامه ** جدك ولك في عالي المنسب جدود
أعني ولي العهد راس السلامه ** على سموه هالوطن صار محسود
بقلوبنا يبشر بطيب الإقامه ** طموحنا ماله مع محمد حدود
حنا معه في سلمه وفي خصامه ** خدام دين الله وللدوله جنود
يا وارث المجد التليد وزمامه ** المجد والتاريخ شاهد ومشهود
خلافك التاريخ ناصب خيامه ** وقدامك المستقبل سهود ومهود
واللي أعز الدين واللي أقامه ** هذي رفات أجسادهم في ثرى العود
أبوك وأعمامك زعيم وزعامه ** خطواتهم على الثرى تنبت ورود
والمملكة في خد الإسلام شامه ** أنتم ولاة أمورها وارقو سنود
بيرق هل التوحيد هذا مقامه ** تحفه المزن وتهادى به النود

وكان وكيل النيابة العامة شلعان الشلعان؛ قد أوضح إنه جرى التحقيق مع سعود القحطاني ، المستشار السابق في الديوان الملكي، لكن لم يواجه اتهامات وتم الإفراج عنه رفقة اللواء أحمد عسيري.